ശ്രീ മഹാഗണേശ പഞ്ചരത്നം

 ശ്രീ മഹാഗണേശ പഞ്ച രത്നം 

മുദാകരാത്ത മോദകം സദാ വിമുക്തി സാധകം 
കലാധരാവതംസകം വിലാസിലോക രക്ഷകം (2)
അനായകൈക നായകം വിനാശിതേഭ ദൈത്യകം 
നതാശുഭാശു നാശകം നമാമി തം വിനായകം | 1 |
                                                   (നമാമി തം വിനായകം)

കയ്യിൽ മധുരമുള്ള  മോദകം പിടിച്ചു സന്തോഷത്തോടെ ഇരിക്കുന്ന,  സാധകനെ മുക്തിയിലേക്ക് നയിക്കുന്ന, ചന്ദ്രക്കല ചൂടിയ, തന്നെ ഭജിക്കുന്നവരുടെ എല്ലാ വിഘ്നങ്ങളും അകറ്റുന്ന അവരെ  സംരക്ഷിക്കുന്ന, നിസ്സഹായരായവരുടെ വഴി കാട്ടി ആയ  സാധകരായവരുടെ എല്ലാ അശുഭങ്ങളും മാറ്റുന്ന ആ വിനായകന്  എന്റെ നമസ്കാരം. 

നതേതരാതി ഭീകരം നവോദിതാർക്ക ഭാസ്വരം।
നമത്സുരാരി നിർജ്ജരം നതാധികാപദുദ്ധരം  ।   ( 2 )
സുരേശ്വരം നിധീശ്വരം ഗജേശ്വരം ഗണേശ്വരം  ।
മഹേശ്വരം തമാശ്രയേ പരാത്പരം നിരന്തരം ॥ 2 ॥
                                      (പരാത്പരം നിരന്തരം )

ദുഷ്ടന്മാരിൽ ഭയം ജനിപ്പിക്കുന്ന   ഉദയസൂര്യന്റെ  ശോഭയാർന്ന, അസുരന്മാരെ നശിപ്പിക്കുന്ന,   തന്റെ ഭക്തരുടെ എല്ലാ കഷ്ടതകളും മാറ്റുന്ന, ശ്രീ മഹാദേവന്റെ സേനാപതി ആയ,  ദേവന്മാരുടെയും എല്ലാ നിധിയുടെയും  ഭൂത ഗണങ്ങളുടെയും നാഥനായ, ശ്രീ മഹേശ്വരനെ  പോലെ തന്നെ ആശ്രയിക്കുന്ന ഭക്ത സംരക്ഷകനായ ആ ഗജമുഖനെ ഞാൻ എപ്പോഴും ശരണം പ്രാപിക്കുന്നു,

സമസ്ത ലോക ശംകരം നിരസ്ത ദൈത്യ കുഞ്ജരം  ।
ദരേതരോദരം വരം വരേഭവക്ത്രമക്ഷരം ।
കൃപാകരം ക്ഷമാകരം മുദാകരം യശസ്ക്കരം ।
മനസ്ക്കരം നമസ്കൃതാം നമസ്കരോമി ഭാസ്വരം ॥ 3 ॥
                                             (നമസ്കരോമി ഭാസ്വരം)

ഈ ലോകത്തിന് മംഗളം  പകരുന്ന, അസുരന്മാരെ നശിപ്പിക്കുന്ന, ഐശ്വര്യത്തിന്റെ പ്രതീകമായ വലിയ ഉദരമുള്ള, മഹത്തായ വരങ്ങൾ നല്കാൻ കഴിവുള്ള, ഒരിക്കലും നാശമില്ലാത്ത, കൃപ ചൊരിയുന്ന, എല്ലായ്‌പോഴും ക്ഷമിക്കുന്ന, ഭക്തർക്ക് എല്ലാ ജീവിത വിജയങ്ങളും അരുളുന്ന, യശസ്സിനെ കൊടുക്കുന്ന,  ഭക്ത മനസിനെ ശുദ്ധീകരിക്കുന്ന, തിളങ്ങുന്ന രൂപമുള്ള, ആ ഗജമുഖനെ ഞാൻ വണങ്ങുന്നു. 

അകിഞ്ചനാർത്തി  മാർജനം  ചിരന്തനോക്തി ഭാജനം  ।
പുരാരി പൂർവ  നന്ദനം  സുരാരി ഗർവ്വ   ചർവ്വണം।  (2)
പ്രപഞ്ച  നാശ ഭീഷണം ധനംജയാദി ഭൂഷണം।
കപോല ദാനവാരണം ഭജേ പുരാണ വാരണം  ॥ 4 ॥
                                                (ഭജേ പുരാണ വാരണം)

പുരാതന ഗ്രന്ഥങ്ങളിലും വചനങ്ങളിലും പ്രശംസിക്കപ്പെടുന്ന, നിരാലംബരുടെ കഷ്ടപ്പാടുകൾ ഇല്ലാതാക്കുന്ന, ത്രിപുരാന്തകനായ ശിവന്റെ മൂത്ത മകനായ, അസുരന്മാരുടെ അഹങ്കാരം നശിപ്പിക്കുന്ന, അഗ്നിയെപ്പോലുള്ള ദേവന്മാരെ ആഭരണങ്ങളാക്കിയിരുന്ന,  മഹാപ്രളയ സമയത്ത് ഭീഷണ രൂപം കൈക്കൊള്ളുന്ന, തുമ്പിക്കയ്യിലൂടെ കൃപയുടെ ദ്രാവകം ഒഴുകുന്ന കവിൾത്തടങ്ങൾ ഉള്ള  ആദിമകാലം തൊട്ടു ഇവിടെ ഉള്ള ഗജമുഖനെ ഞാനും  ആരാധിക്കുന്നു.

നിതാന്ത  കാന്ത ദന്ത കാന്തിമന്തകാന്തകാത്മജം ।

അചിന്ത്യ  രൂപമന്ത ഹീന മന്തരായ കൃന്തനം  ।
ഹൃദന്തരേ നിരന്തരം വസന്തമേവ യോഗിനാം  ।
തമേകദന്തമേവ തം വിചിന്തയാമി സന്തതം (2 ) ॥ 5 ॥
                                                (വിചിന്തയാമി സംതതം)

തിളങ്ങുന്ന കൊമ്പുകൊണ്ട് ശോഭിക്കുന്ന, കാലാരി ആയ ശിവൻ്റെ പുത്രനായ, യഥാർത്ഥ രൂപം സങ്കൽപ്പിക്കാനാവാത്ത, എന്നും ഇവിടെ ഉള്ളതും, തടസ്സങ്ങൾ നീക്കുന്ന, യോഗികളുടെ ഹൃദയ നിവാസി ആയ, ഒറ്റക്കൊമ്പുകൊണ്ട്  പ്രതിബന്ധങ്ങൾ നീക്കുന്ന, ആ ഗജമുഖനെ ഞാൻ ധ്യാനിക്കുന്നു.

മഹാഗണേശ പഞ്ചരത്നമാദരേണ യോഽന്വഹം  ।
പ്രജല്പതി പ്രഭാതകേ ഹൃദി സ്മരന് ഗണേശ്വരം ।
അരോഗതാമദോഷതാം സുസാഹിതീം സുപുത്രതാം ।
സമാഹിതായു രഷ്ടഭൂതി മഭ്യുപൈതി സോഽചിരാത് ॥

ദിവസവും മഹാ ഗണേശ പഞ്ചരത്നം ഭക്തിപൂർവ്വം വായിക്കുകയും
ഗണപതിയെ ഹൃദയത്തിൽ പ്രതിഷ്ഠിച്ച് രാവിലെ ഇത് ചൊല്ലുകയും ചെയ്യുന്ന ഒരാൾക്ക് നല്ല ആരോഗ്യം, നിഷ്കളങ്കത അല്ലെങ്കിൽ തെറ്റുകളില്ലാത്ത ജീവിതം, നല്ല കഴിവുകൾ, വിദ്യാഭ്യാസം, നല്ല കുട്ടികൾ , സമ്പൂർണ ജീവിതം എന്നിവയും ലഭിക്കും.